Mga chismosa pamultahon sa usa ka barangay sa South Cotabato

Gipatuman na karon ang Anti-Gossip Ordinance sa Barangay Landan sa Polomolok sa South Cotabato.

Kun si kinsa man ang makasupak sa maong lagda, pabayron dayon og multa nga mokabat ngadto sa P1, 000 ug P1, 500 para sa first of second offenses ubos sa Barangay Ordinance No. 8, Series of 2026.

Ang maong Anti-Gossip Ordinance gi-aprobahan usab sa Sangguniang Bayan ng Polomolok niadtong Hulyo 10, 2026.

BASAHA PUD NI: ‘Chismosas’ helpful in contact tracing, says PRO-7 chief

Matud pa ni Barangay Kagawad Joey Minggito nga ang maong ordinansa gipatuman aron sa paglikay sa nga chismis nga maoy makadala og kagubot sa ilang barangay.

Gusto usab nga sumpo-on sa mga opisyales sa Barangay Landan ang pagkatap sa mga fake news ug sa mga walay basehan nga akusasyon nga makaguba sa maayo nga pagtinagdanay sa ilang mga residente.

BASAHA PUD NI: Ella Cruz stands by her ‘history is like chismis’ remark: ‘Mali po ba yung sinabi ko?’

Matud pa ni Minggito, ang principal sponsor sa maong ordinansa, nga gusto nila nga ma-protektahan ang ilang mga ka-barangay gikan sa makadaut nga mga chismis.

Dugang ni Minggito nga tungod sa mga dili tinuod nga istorya, daghan na ang nag-away ug mipaabot og reklamo sa ilang barangay.

Apan iyang gi-klaro nga wala nila i-dili ang pagpadayag sa panghuna-huna sa mga taw. Ang multahan lang mao ang pagpataka og istorya nga walay basehan basi nga ilang pagabuhaton nga imbestigasyon.

Si Minggito nagkanayon nga daghan sa ilang mga ka-barangay ang nakauyon ug mipadayag sa ilang suporta sa pagpasar sa ilang Anti-Gossip Ordinance.

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.